На будоўлі мінскага метро рабочыя ўчынілі бойку (відэа)
На будоўлі мінскага метро рабочыя ўчынілі бойку — гэты інцыдэнт трапіў на камеры відэаназірання, а затым яго выклалі ў Тэлеграм. Мяркуючы па даце, адлюстраванай на відэа, яго знялі 11 жніўня гэтага года.
У роліку бачна, што на пляцоўцы знаходзіцца невялікая група рабочых у касцюмах “Метрабуда”. Двое мужчын, відавочна, сварацца. Адзін падыходзіць і штурхае іншага. Пачынаецца бойка. Калегі падбягаюць і даволі хутка разводзяць канфліктуючых у розныя бакі.
Будоўля трэцяй лініі сталічнага метро ідзе ўжо чацвёрты год. У перспектыве яна мусіць звязаць мікрараёны Зялёны Луг і Курасоўшчыну.