На беларуска-польскай мяжы злавілі кубінцаў, якія ішлі ў Італію

Дваіх грамадзян Кубы затрымалі каля беларуска-польскай мяжы. На допыце нелегалы паведамілі беларускім памежнікам, што ішлі ў Італію ў пошуках лепшых умоваў жыцця.
У затрыманых, акрамя ежы і вопраткі, знайшлі мабільны тэлефон, мачэтэ і атлас свету. Як паведамляе БелаПАН, адзін з кубінцаў меў пры сабе пашпарты грамадзяніна Кубы і Расійскай Федэрацыі.