МЗС: У ДТЗ ва Украіне пацярпелі 9 беларусаў
Адна з іх ад атрыманых цяжкіх траўмаў памерла ў бальніцы.
Міністэрства замежных спраў Беларусі ў Twitter паведаміла аператыўную інфармацыю пра ДТЗ з мікрааўтобусам у Львоўскай вобласці Украіны. Было вядома, што загінулая — грамадзянка Беларусі. Беларускія дыпламаты гэта пацвердзілі. Яшчэ 8 пасажыраў мікрааўтобуса таксама з'яўляюцца беларусамі, яны атрымалі траўмы рознай ступені цяжкасці, усе знаходзяцца ў свядомасці ў розных бальніцах на Львоўшчыне.
Як інфармавала Еўрарадыё, трагічнае здарэнне адбылося 23 чэрвеня на трасе Ковель — Жовква ў Сакальскім раёне Львоўскай вобласці. Кіроўца Skoda Octavia заснуў за рулём і выехаў на паласу сустрэчнага руху, дзе і адбылося сутыкненне з Volkswagen LT. Апошнім кіраваў жыхар Валынскай вобласці Украіны, які ад шпіталізацыі адмовіўся.
в ДТП 23 июня на территории Львовской области Украины пострадало 9 граждан Беларуси, одна из которых скончалась в больнице.Остальные уже в сознании, в разной степени тяжести-в лечебных учреждениях области @BelarusEmbUkr установлены личности,продолжается работа @beltanews @tutby
— МИД Беларуси (@BelarusMID) 24 июня 2018 г.