МЗС Беларусі — пра новыя санкцыі ЕС: дайшлі ўжо і да грамадскага транспарту

МЗС Беларусі — пра новыя санкцыі ЕС: дайшлі ўжо і да грамадскага транспарту

Афіцыйны Мінск традыцыйна эмацыйна рэагуе на абмежаванні, якія Захад уводзіць супраць прадпрыемстваў і асобаў. На гэты раз прэс-сакратар знешнепалітычнага ведамства Анатоль Глаз выказаўся пра новыя санкцыі Еўрасаюза, якія былі апублікаваныя 3 чэрвеня (Беларусь закрануў 6-ы пакет антырасійскіх санкцый, уведзены за яе агрэсію супраць Украіны).

"Мы будзем пастаянна нагадваць, што ў пагаршэнні праблемы сусветнага голаду з-за недахопу угнаенняў, павелічэнні колькасці ахвяр гэтай бяды вінаватыя чыноўнікі Еўрасаюза", — гэта выказванне Глаза на тое, што ў "чорны спіс" трапілі Беларуская калійная кампанія і гендырэктар "Беларуськалія" Іван Галаваты.

"Прымітыўная спроба прымусу да выканання сваёй волі", — гэта каментар пра санкцыі супраць кіраўніка Цэнтрвыбаркама Ігара Карпенкі.

"Дайшлі ўжо і да грамадскага транспарту", каб "максімальна пагоршыць жыццё простых людзей", — выказванне пра санкцыі супраць "Белкамунмаша".

А вось прапагандыстаў, якія трапілі ў "чорны спіс", Анатоль Глаз віншуе: "Яны свабодныя ад замежнага дыктату".

Новыя санкцыі ў МЗС Беларусі называюць "гібрыднай агрэсіяй ЕС", які нібыта хоча "задушыць беларусаў". Афіцыйны Мінск пагражае еўрапейцам... "адэкватным адказам". Але адначасова нагадвае, што гатовы да дыялогу пры пэўных умовах.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі