Мужчына залез у трансфарматарную падстанцыю — яго забіла токам
У Бярэзінскім раёне мужчына загінуў ад удару электрычнага тока. Як паведамляе БЕЛТА са спасылкай на РУП "Мінскэнерга", інцыдэнт здарыўся ўвечары 9 жніўня ў вёсцы Белічаны.
Мужчына самавольна прабраўся ў трансфарматарную падстанцыю, не маючы дазволу на доступ. Медыкі, якія прыбылі на месца здарэння, канстатавалі смерць. Акалічнасці трагічнага выпадку расследуе Следчы камітэт.
"Мінскэнерга" нагадвае, што доступ у дзеючыя электраўстаноўкі для пабочных асобаў строга забаронены.
