Мужа і жонку асудзілі да калоніі, іх чакаюць двое непаўналетніх дзяцей
Дзмітрый і Алена Паўловічы / spring96.org
Суд Партызанскага раёна прысудзіў да зняволення сямейную пару — Дзмітрыя і Алену Паўловічаў. Судзілі іх паводле "народнага" 342-га артыкула КК (дзеянні, якія груба парушаюць грамадскі парадак), паведамляе ПЦ "Вясна".
Суддзя Міхаіл Макарэвіч прызначыў Алене два гады калоніі агульнага рэжыму, а Дзмітрыю — паўтара.
Алена — гаспадыня салону друку "Ліса" ў Барысаве. Пры ператрусе сілавікі прымусілі яе абдзіраць са сцяны бел-чырвона-белыя шпалеры.
Дома Паўловічаў чакаюць двое непоўнагадовых дзяцей. Цяпер іх даглядае бабуля.
