Мурал аўстралійскага мастака з'явіцца на шматпавярховіку ў Мінску
Адзін з мінскіх шматпавярховікаў будзе ўпрыгожаны аўстралійскім мастаком Фінтанам Мэгі. Гэта адбудзецца ў рамках праекта Urban Myths, перадае БЕЛТА.
Аўстраліец будзе знаходзіцца ў беларускай сталіцы з 1 жніўня. Цяпер ідзе збор сродкаў на фарбы і матэрыялы для яго, а таксама на арэнду спецтэхнікі.
Фінтан Мэгі выпрацаваў уласны стыль манументальнага жывапісу. Спецыялісты адзначаюць, што яму ўласцівая эклектыка: спалучэнне вобразаў з паўсядзённага жыцця і нечаканых сюжэтаў.
Праект Urban Myths стартаваў у 2015 годзе. У яго рамках нашу краіну наведалі разнастайныя замежныя творцы. У Мінску з'явіліся такія працы, як "Дзяўчына ў вышыванцы", "Чалавек без імя", "Жывое сэрца".
