Monsoon Sexy Season прывязлі ў Мінск "Доктара Фройда"
У сталічным бары "Малако" Таня Гарошка і Сцяпан Бітус зладзілі чароўную вечарыну і прадставілі мінчукам свой новы праект.
Падчас вечарынкі "інтэлігентнай" музыкі прагучалі усе кампазіцыі з будучага альбому Monsoon Sexy Season "Hello, Dr. Freud", які, дарэчы, музыканты плануюць выдаць да канца гэтага году. А таксама Таня Гарошка і Сцяпан Бітус выступілі з уласнымі дыджэй-сэтамі.
Нагадаем, што выступам у Мінску музыканты думаюць распачаць свой канцэртны сезон. Так, пасля мінскай вечарынкі Monsoon Sexy Season плануюць выступіць у Маскве і Вільні і запрашаюць на свае канцэрты ўсіх, хто цікавіцца свежымі музычнымі тэндэнцыямі.
