Мітрапаліт БПЦ не прымае рукапісных лістоў ад вернікаў
59-гадовая брэстчанка напісала ліст у Беларускі Экзархат РПЦ, у якім прасіла выправіць памылку ў кнігах, надрукаваных з царкоўнага дабраслаўлення.
Напрыклад, у кнізе “Наследие православной Беларуси” апісваецца Сабор Святога Мікалая ў Брэсцкай крэпасці, а да апісання даюцца фотаздымкі іншага праваслаўнага храма ў Брэсце.
Аднак на зварот жанчыны з Канцылярыі Экзархату прыйшоў адказ, што мітрапаліт Мінскі і Слуцкі Павел лісты, напісаныя ад рукі, не разглядае, толькі набраныя на кампутары. Верніцу папрасілі даслаць аформлены належным чынам ліст паўторна.
Шчырая прыхаджанка пакрыўдзілася на такі абразлівы для яе адказ. Сталага веку жанчына ўвогуле не мае кампутара, як і многія тысячы праваслаўных вернікаў па ўсёй Беларусі, інфармуе сайт Tomin.by
