Мінскі пенсіянер прыйшоў у банк з аўтаматам Калашнікава
Здарэнне адбылося 8 траўня ў аддзяленні "Беларусбанка" па праспекце Дзяржынскага.
Трывогу ўзнялі супрацоўнікі банка, пабачыўшы, што ў будынак зайшоў пенсіянер са зброяй наперавес, паведамляе tut.by.
61-гадовага мужчыну затрымалі супрацоўнікі аддзела аховы. Выявілася, што нецвярозы наведвальнік з'явіўся ў аперацыйнай зале банка з пнеўматычнай зброяй у выглядзе макета аўтамата Калашнікава. Прычыны такога дзіўнага ўчынку не ўдакладняюцца.
На пенсіянера склалі пратакол за дробнае хуліганства. Яму пагражае штраф да 4,5 млн рублёў альбо адміністрацыйны арышт.
Фота — zona-war.ru