Літоўцам прапанавалі стварыць сістэму апавяшчэння пра будаўніцтва БелАЭС
![Літоўцам прапанавалі стварыць сістэму апавяшчэння пра будаўніцтва БелАЭС](/sites/default/files/styles/gallery_main/public/2023-08/1020248749.jpg.webp?itok=VLNwqiab)
Падчас беларуска-літоўскіх экспертных кансультацый беларускі бок прапанаваў стварыць агульнаю рабочую групу. Пра гэта вядзецца ў афіцыйным адказе Мінпрыроды ў адказ на запыт Еўрарадыё.
"На сённяшні дзень не існуе зацверджанага парадку інфармавання аб інцыдэнтах, не звязаных з радыяцыйнай пагрозай на АЭС. У сувязі з гэтым беларускім бокам была агучана прапанова літоўскаму боку аб стварэнні рабочай групы для таго, каб сумесна выпрацаваць рэгламент, які фіксуе, пра якія няштатныя сітуацыі ў ходзе будавання АЭС і з якой перыядычнасцю варта інфармаваць. Літоўскім бокам прапанова пакуль не прынята", ― паведамляюць у Мінпрыроды.
Таксама ў ведамстве паведамляюць пра нявырашанасць пытання аб ацэнцы ўдзеяння будучай АЭС на наваколле.
"Кампраміс паміж бакамі можа быць дасягнуты, у тым ліку ў рамках двухбаковага пагаднення, якое, як мы спадзяемся, мы будзем абмяркоўваць у канцы кастрычніка", ― дадаюць у Мінпрыроды.
Гэтую праблему чыноўнікі звязваюць з рознымі падыходамі ў беларускім і літоўскім заканадаўстве.
Раней прадстаўнікі Літвы назвалі перамовы пра будаўніцтва беларускай АЭС "вельмі цяжкімі".