Міністр адукацыі: у кожнай школы будзе свая форма і "адметны элемент"
У кожнай школы ў Беларусі будзе свая форма. Пра гэта БЕЛТА паведаміў міністр адукацыі Андрэй Іванец. Новаўвядзенне запланаванае з 2023/2024 вучэбнага года.
"Гаворка ідзе не пра адзіную для ўсіх устаноў адукацыі школьную форму, — гаворыць міністр. — Кожная школа будзе выбіраць сваю камфортную, зручную форму дзелавога стылю для дзяцей".
Ужо з 1 верасня ў кожнай школы з'явіцца нейкі "адметны элемент", які будзе "выхоўваць у навучэнца гонар за сваю ўстанову адукацыі".
