Мінгандлю прыпыніў працу чатырох гандлёвых аб'ектаў у пераходах мінскага метро
![Мінгандлю прыпыніў працу чатырох гандлёвых аб'ектаў у пераходах мінскага метро](/sites/default/files/styles/gallery_main/public/2023-08/942531659fotolia600.jpg.webp?itok=QI1daBaI)
Мінгандлю Беларусі прыпыніў працу чатырох гандлёвых аб'ектаў у пераходах мінскага метро. Гаворка ідзе пра станцыі "Кастрычніцкая", "Інстытут культуры", "Акадэмія навук" і "Трактарны завод". Падчас праверак былі выяўленыя факты неадпаведнасці патрабаванням заканадаўства і невыканання (да 78%) асартыментных пералікаў тавараў, продажу пратэрмінаваных тавараў, неналежнага афармлення альбо адсутнасці цэннікаў на таварах і іншыя парушэнні.
Прэс-служба Мінгандлю адзначае, што дзейнасць аб'ектаў гандлю прыпынена на дзесяць дзён. За гэты час мусяць быць выпраўленыя парушэнні, выяўленыя падчас праверак.
Фота: Fotolia