Мінчук пасварыўся з каханай і падпаліў яе аўто
![Мінчук пасварыўся з каханай і падпаліў яе аўто](/sites/default/files/styles/gallery_main/public/2023-08/maszyna-1209-1.jpg.webp?itok=saym4gYB)
У ноч на 12 верасня ў міліцыю ад відавочцаў паступіла паведамленне, што на праспекце Ракасоўскага, 7 гарыць салон аўтамабіля Renault, перадае прэс-служба ГУУС Мінгарвыканкама.
Па гарачых слядах праваахоўнікі затрымалі падпальшчыка. Гэта быў раней судзімы 61-гадовы мужчына.
Ён патлумачыў, што пасварыўся са сваёй былой сужыцелькай і вырашыў ёй адпомсціць. Нецвярозы мужчына каменем разбіў бакавое шкло аўтамабіля і запальнічкай падпаліў сядушкі. Калі агонь ахапіў салон аўтамабіля, мінчук уцёк. Праўда, далёка уцячы не здолеў.
Дарэчы, што канцэнтрацыя алкаголю ў выдыханым паветры ў падпальшчыка склала каля 3 праміле.
Раней мужчына прыцягваўся да крымінальнай адказнасці за пагрозу забойствам, прычыненнем цяжкіх цялесных пашкоджанняў сваёй сужыцельцы.
За цяперашні падпал яму пагражае да дзесяці гадоў пазбаўлення волі.
![Мінчук пасварыўся з каханай і падпаліў яе аўто](/sites/default/files/paragraphs/image/maszyna-1209-2.jpg)