Мінчук падмануў знаёмых на мільярд рублёў
Мінскія міліцыянты затрымалі 24-гадовага жыхара сталіцы за махлярскія дзеянні.
Малады чалавек спярша расказваў, што з'яўляецца індывідуальным прадпрымальнікам і актыўна развівае бізнес па продажы мабільнікаў. Па яго словах, ён меў у Расіі шмат знаёмых пастаўшчыкоў, гатовых оптам прадаваць яму дарагую прадукцыю для перапродажу на тэрыторыі Беларусі. Нібыта, каб раскруціць гэты бізнес, ён пазычыў грошы ў сваіх знаёмых.
На пазычаныя грошы ён купіў аўтамабіль, які прадаў з фінансавай выгадай. Пасля гэтага ён пераключыўся на "аўтамабільны бізнэс" як больш прыбытковы.
Хлопец браў у салоне пракату элітныя аўтамабілі. Ён прыязджаў на іх на сустрэчы, называўся "Жорам" і расказваў "будучым партнёрам", што ў Расіі можна купіць аўто ў два-тры разы танней, чым у Беларусі. Дарэчы, адзін з такіх пракатных аўтамабіляў ён разбіў на праспекце Пераможцаў у Мінску.
Даверлівыя людзі давалі хлопцу грошы, разлічваючы на хуткі прыбытак. На гэтыя сродкі ён ездзіў за мяжу, адпачываў у дарагіх рэстаранах і клубах. Па звестках праваахоўнікаў, ашуканскім шляхам мінчук завалодаў прыкладна адным мільярдам рублёў.
Цяпер на яго пачалі некалькі крымінальных спраў па розных частках артыкула 209 ("Махлярства"). Следства заяўляе, што на рахунку ў мінчука больш за 20 эпізодаў злачыннай дзейнасці.
Тых, хто апазнаў мужчыну на фота альбо пацярпеў ад яго дзеянняў, міліцыя просіць звяртацца ў Савецкае РУУС Мінска асабіста (зав. Я.Коласа, 3) ці па тэлефонах 8 (017) 292-94-52, 8 (029) 166-24-08.
