Міліцыя правярае ўсіх футбольных фанатаў на лаяльнасць да Еўрамайдана
Праваахоўнікі тэлефануюць прадстаўнікам розных фан-аб'яднанняў Беларусі, заклікаючы з'явіцца для размовы ў РАУС.
Пра гэта інфармуе сайт by.tribuna.com. У сваю чаргу, па звестках Belultras.by, званкі ўжо паступалі фанатам мінскага “Дынама”, БАТЭ, “Нёмана”, “Мінска”.
Па адной з версій, меры носяць прафілактычны характар напярэдадні чэмпіянату свету па хакеі ў Мінску.
Двое фанатаў БАТЭ былі асуджаныя на арышт за фотаакцыю ў падтрымку Еўрамайдана. Таксама заўзятары сцвярджаюць, што нібыта гатовыя судовыя пастановы на ўсіх удзельнікаў акцыі.