Матацыклістка ў Стаўбцоўскім раёне збіла пяцігадовага хлопчыка

У вёсцы Налібокі Стаўбцоўскага раёна адбылося ДТЗ, у якім пераломы атрымаў пяцігадовы хлопчык, паведамляе uvd-mo.gov.by.

Інцыдэнт адбыўся 1 жніўня каля 17-й гадзіны. 19-гадовая жыхарка Дзяржынска ехала на матацыкле "Мінск" па вуліцы Ліпеньскай. Яна збіла пяцігадовага хлопчыка, які нечакана выскачыў з двара на вуліцу.

Дзіця з пераломамі шпіталізавалі ў рэанімацыйнае аддзяленне лякарні. 

Міліцыя ўдакладняе, што кіроўца была ў моташлеме, цвярозая. Тэхагляд пройдзены.