Малдова выклікала беларускага амбасадара за мапу, якую паказаў Лукашэнка
МЗС Малдовы выклікала амбасадара Беларусі, піша newsmakerlive. Нагодай стала мапа, якой карыстаўся Аляксандр Лукашэнка на нарадзе 1 сакавіка, расказваючы пра ўварванне Расіі ва Украіну. Яе паказала прэс-служба Лукашэнкі.
На гэтай мапе адна са стрэлак, якая паказвае ход войскаў ва Украіну, ідзе з тэрыторыі Малдовы.
"Амбасадар Беларусі Анатолій Калінін у гутарцы з дзяржсакратаром Русланам Балбачанам адзначыў "некарэктнае прадстаўленне інфармацыі службовымі асобамі Міністэрства абароны Рэспублікі Беларусь", — кажуць у МЗС Малдовы.
Дарэчы, у відэа, якое распаўсюдзілі афіцыйныя каналы, Лукашэнка па мапе тлумачыць вайскоўцам размяшчэнне і перасоўванне войскаў, а не яны яму.
