Лукашэнка ў Казахстане сустрэнецца з Пуціным і Назарбаевым
У сераду, 29 траўня, кіраўнік Беларусі возьме ўдзел у пасяджэнні Вышэйшага Еўразійскага эканамічнага савета.
Як паведамляе БЕЛТА, Аляксандр Лукашэнка, Уладзімір Пуцін, Нурсултан Назарбаеў у Астане абмяркуюць "перспектывы развіцця асноўных накірункаў інтэграцыі". Між іншым, гаворка пойдзе пра праект дамовы аб стварэнні Еўразійскага эканамічнага саюза.
Нагадаем, што Вышэйшы Еўразійскі эканамічны савет — гэта найвышэйшы орган Мытнага саюза і Адзінай эканамічнай прасторы.
Фота — ria.ru