Лукашэнка зрабіў падарунак Папе Рымскаму (фота)
![Лукашэнка зрабіў падарунак Папе Рымскаму (фота)](/sites/default/files/styles/gallery_main/public/2023-08/dar_abraz.jpg.webp?itok=4bmL-y0U)
Прадстаўнік Ватыкана ў Беларусі, апостальскі нунцый арцыбіскуп Клаўдыё Гуджэроцці, 22 кастрычніка сустрэўся з Папам Рымскім Францішкам. Падчас сустрэчы арцыбіскуп Гуджэроцці перадаў пантыфіку падарунак ад беларускага кіраўніка Аляксандра Лукашэнкі — абраз “Беззаганнае Сэрца Марыі”.
Абраз выкананы ў старажытнай беларускай тэхніцы працы па дрэвe, які завецца “сожская скань”, паведамляе catholic.by.
Пантыфік запэўніў апостальскага нунцыя ў тым, што высока цэніць гэта жэст і перадае высокаму дарыльшчыку словы шчырай удзячнасці разам з апостальскім дабраслаўленнем усяму беларускаму народу.
Нагадаем, што яшчэ ў сакавіку гэтага года Ватыкан заявіў пра гатоўнасць прыняць з візітам беларускага кіраўніка. Меркавалася, што паездка Лукашэнкі да Святога Прастола можа адбыцца ў верасні, аднак звычайна Ватыкан не прымае палітыкаў, якія рыхтуюцца да прэзідэнцкіх выбараў у сваёй краіне, таму візіт зноў адклалі на няпэўны тэрмін.
Намеснік міністра замежных справаў Беларусі Алена Купчына 2 кастрычніка заяўляла, што ў ведамстве вядзецца праца над падрыхтоўкай сустрэчы Аляксандра Лукашэнкі з Папам Рымскім Францішкам Першым.
Фота: catholic.by