Лукашэнка распавёў студэнтам, якая ў беларусаў нацыянальная ідэя (відэа)

Выступаючы перад студэнтамі, Аляксандр Лукашэнка спыніўся на многіх тэмах, якія датычаць будучыні Беларусі. Ён лічыць, што, нягледзячы на глабалізацыю, будучыня за суверэннымі дзяржавамі і асобнымі нацыямі.

"Свая незалежная дзяржава дае нам свабоду — тое, да чаго па прыродзе сваёй імкнецца кожны чалавек і кожная нацыя, свабоду жыць на сваёй зямлі, якую падараваў Бог, свабоду самім выбіраць свой шлях, свабоду шанаваць свае традыцыі, сваё мінулае, распараджацца сваім сённяшнім днём, будаваць сваю будучыню", — цытуе словы Лукашэнкі БЕЛТА.

Паводле слоў кіраўніка дзяржавы, на працягу стагоддзяў, існуючы паміж Усходам і Захадам, Беларусь здабыла "ўнікальны духоўны досвед". "Нашая нацыянальная ідэя — гэта мір, згода, узаемадапамога ў нашай вялікай агульнай сям'і, імя якой — беларускі народ. Гэта звычка жыць сваёй працай на сваёй зямлі. Гэта добрыя адносіны да ўсіх, хто жыве побач з намі і хто прыходзіць да нас з мірам".