Лукашэнка патрабуе ўзняць вёску на “новы ўзровень”
![Лукашэнка патрабуе ўзняць вёску на “новы ўзровень”](/sites/default/files/styles/gallery_main/public/2023-08/lukashenka_eaes.jpg.webp?itok=gvQQ4upc)
Развіццё вёскі ў Беларусі неабходна ўзняць на новы ўзровень, заявіў Аляксандр Лукашэнка 12 лістапада на нарадзе аб перспектывах развіцця малых населеных пунктаў Аршанскага і Шклоўскага раёнаў.
Кіраўнік дзяржавы ў самым пачатку нарады падкрэсліў, што пытанне стаіць значна шырэй, чым развіццё сельгасвытворчасці і тэрыторый у асобна ўзятых населеных пунктах адпаведных раёнаў.
"У свой час мы пачалі мадэрнізацыю нашай сельскай гаспадаркі, прайшлі пэўны шлях. Мы пачыналі фактычна з нічога. Больш за тое, даводзілася перабудоўваць тое, што маем. Атрымалі пэўны досвед развіцця нават не сельскагаспадарчай вытворчасці, а вёскі ў цэлым, — цытуе Лукашэнку БЕЛТА. — І тое, што мы зрабілі за гэты час, дазволіла нам захаваць вёску. Калі б мы тады не ўзяліся за гэтую працу, у нас у вёсцы не засталося б практычна ніводнага чалавека. Мы захавалі вёску. Наколькі гэта магчыма, захавалі вёскі. А зрабіўшы нямала ў аграгарадках, змянілі вёску".