Лукашэнка падзякаваў святарам за ўнёсак у развіццё краіны
Кіраўнік Беларусі Аляксандр Лукашэнка 1 траўня наведаў Спаса-Прэабражэнскі храм у Шклове. Падчас сустрэчы з яго настаяцелем і вернікамі, ён падзякаваў беларусам, у тым ліку святарам, за ўнёсак у развіццё краіны.
Як перадае БЕЛТА, Лукашэнка адзначыў, што па традыцыі наведвае на Вялікдзень храмы ў рэгіёнах. Такім чынам ён аддае даніну павагі “нашым людзям, святарам”. Ён падзякаваў ім за служэнне Айчыне, за “цяжкі крыж”, які святары нясуць разам з усімі па станаўленні Беларусі.
Лукашэнка сказаў, што ў сваю чаргу адчувае вялікую адказнасць, якую нясе за беларускую зямлю. “Я нясу адказнасць перад людзьмі, якія даверылі мне гэтую пасаду”, — заявіў кіраўнік краіны.
Ён павіншаваў з Вялікаднём прысутных і перадаў у дар храму ікону “Мікола з палявоснымі святымі: Міхаіл і Ефрасіння”, напісаную прыкладна ў пачатку ХХ стагоддзя. Настаяцель Спаса-Прэабражэнскага храма ў сваю чаргу перадаў у дар Лукашэнку ікону свяціцеля Георгія Каніскага.
