Лукашэнка: На маім аўтамабілі быў бел-чырвона-белы штандар (відэа)
Кіраўнік Беларусі ў аўторак паўдзельнічаў у цырымоніі пачатку будаўніцтва жылога комплексу для навуковай і творчай інтэлігенцыі "Магістр" у сталіцы.
Кіраўнік дзяржавы ў аўторак распавёў пра праект стварэння плошчы Дзяржаўнага сцяга каля Палаца незалежнасці на праспекце Пераможцаў у сталіцы.
Між іншым, ён у чарговы раз выказаў свае адносіны да бел-чырвона-белага сцягу, які быў дзяржаўным у 1991-1995 гадах. "На маім аўтамабілі быў бел-чырвона-белы штандар, — цытуе словы Аляксандра Лукашэнкі "Интерфакс-Запад". — Але я заўсёды быў прыхільнікам гэтай [цяперашняй] сімволікі. Для мяне гэтыя сімвалы — душа народа". Лукашэнка нагадаў, што новая сімволіка была прынятая на рэферэндуме.