Лукашэнка і Шарыф падпісалі пакет дакументаў аб супрацоўніцтве
![Лукашэнка і Шарыф падпісалі пакет дакументаў аб супрацоўніцтве](/sites/default/files/styles/gallery_main/public/2023-08/lukashenka_sharyf_2.jpg.webp?itok=QYytanJW)
Беларусь і Пакістан падпісалі пакет дакументаў аб развіцці супрацоўніцтва ў розных сферах — гэта рознага кшталту мемарандумы, пагадненні і пратаколы. Подпісы пад дакументамі паставілі кіраўнік Беларусі Аляксандр Лукашэнка і прэм’ер-міністр Пакістана Наваз Шарыф па выніках перамоваў у Ісламабадзе.
Сярод іншага падпісаны пратакол абмену ратыфікацыйнымі граматамі аб уступленні ў сілу дамовы паміж Беларуссю і Пакістанам аб сяброўстве і супрацоўніцтве. Таксама падпісаныя пратаколы ў дачыненні дамовы аб узаемнай прававой дапамозе па грамадзянскіх і эканамічных справах, міжурадавага пагаднення аб супрацоўніцтве і ўзаемнай дапамозе ў мытных справах.
Падпісаны пакет дакументаў, якія тычацца супрацоўніцтва ў банкаўскай і эканамічнай сферах, у тым ліку аб узаемадзеянні паміж цэнтрабанкамі дзвюх краін. На развіццё навукова-тэхнічнага ўзаемадзеяння скіраванае палажэнне аб стварэнні пакістанска-беларускага цэнтру навукі і тэхналогіі. Падпісаныя і дакументы аб узаемадзеянні ў адукацыйнай і культурнай сферай, у сферы транспартных і паштовых зносінаў, перадае БЕЛТА.