Лонданцы выйшлі на шматтысячны марш супраць "брэкзіта" (фота, відэа)
![Лонданцы выйшлі на шматтысячны марш супраць "брэкзіта" (фота, відэа)](/sites/default/files/styles/gallery_main/public/2023-08/london-0207-1.jpg.webp?itok=Sv4vhkfC)
Дзясяткі тысяч лонданцаў выйшлі на марш пратэсту супраць выхаду Брытаніі з Еўрасаюза. Удзельнікі масавай акцыі спадзяюцца паўплываць на парламент, каб ён не даў краіне выйсці з ЕС, перадае Бі-Бі-Сі.
Акцыя ў Лондане атрымала назву "Марш за Еўропу". Яе ўдзельнікі сабраліся каля Гайд-парку. У іх запланаваны трохкіламетровы маршрут міма будынкаў ўрада да парламента. Каля парламента запланаваны мітынг-канцэрт.
Гэты марш пратэсту стаў самай буйной акцыяй пасля рэферэндуму 23 чэрвеня, на якім большасць брытанскіх удзельнікаў прагаласавала за выхад краіны з Еўрасаюза. Ініцыятыры маршу выступілі з ініцыятывай у сацсетках і атрымалі шырокую падтрымку. Пра свой удзел у запланаваным шэсці заявілі 34 тысячы карыстальнікаў сацсетак. Разам з тым, перадаюць журналісты, выглядае, што ўдзельнікаў маршу значна больш.
Як вядома, большасць лонданцаў галасавалі супраць выхаду Брытаніі з ЕС.