Ліянэлю Месі пагражае штраф ці да 6 гадоў турмы
Футбаліста "Барселоны" і зборнай Аргентыны падазраюць у нявыплаце падаткаў. Разам са сваім бацькам ён запазычыўся іспанскай скарбонцы 5 млн долараў.
Як паведамляе ВВС, гэтае парушэнне адбылося ў перыяд з 2006-га да 2009 года. Пракуратура ўжо перадала справу ў суд, які мусіць вырашыць, ці дастаткова доказаў для яе разгляду.
Адзначым, што Месі 25 гадоў, у Іспаніі ён гуляе з 2000 года. Аргентынец чатыры гады запар прызнаецца найлепшым футбалістам планеты.
Фота — AFP
