Легендарны футбаліст Пеле шпіталізаваны ў Сан-Паўлу
У яго ўзніклі болі ў страўніку.
Бразільскі футбаліст Пеле быў шпіталізаваны "для абследавання". Пра гэта паведаміла адміністрацыя бальніцы імя Альберта Эйнштэйна ў Сан-Паўлу.
Легендарнага футбаліста даставілі ў лякарню на машыне хуткай дапамогі, перадае ВВС.
Бразільскія СМІ інфармуюць, што 74-гадовы Пеле адчуў боль у страўніку і яму давялося адмовіцца ад удзелу ў мерапрыемстве ў адным з музеяў.
Паведамляецца, што стан былога спартоўца не выклікае непакою.
Фота — museum-pele.com
