Курсы долара і еўра ў Беларусі 14 красавіка знізіліся

У пятніцу, 14 красавіка, на Беларускай валютна-фондавай біржы прайшлі чарговыя таргі. Па іх выніках Нацбанк вызначыў новыя курсы валют. Курс долара ЗША пайшоў наніз — з 1,8865 да 1,8817 рубля, курс еўра таксама зменшыўся — з 2,0087 да 1,9977 рубля. За 100 расійскіх рублёў сёння даюць 3,3445 беларускага рубля (у чацвер — 3,3324).

Беларускі рубель не змяніўся ў адносінах да кошыка валют.

Як паведамляла Еўрарадыё, 13 красавікакурс долара ЗША знізіўся — з 1,8912 да 1,8865 рубля, курс еўра вырас — з 2,0080 да 2,0087 рубля.