Курс долара ў Беларусі чарговы раз знізіўся
У чацвер, 22 верасня, пасля чарговых таргоў на Беларускай валютна-фондавай біржы Нацбанк вызначыў новыя курсы валют. Курс долара ЗША знізіўся — з 1,9457 да 1,9334 беларускага рубля. Курс еўра, наадварот, вырас — з 2,1694 да 2,1719 рубля. Значна павысіўся курс расійскага рубля: 100 расійскіх рублёў каштуюць 3,0289 беларускага (у сераду — 3,0192).
Беларускі рубель ўмацаваўся да кошыка валют на 0,03%.
Як паведамляла Еўрарадыё, 21 верасня курс долара ЗША знізіўся з 1,9481 да 1,9457 беларускага рубля, курс еўра зваліўся з 2,1824 да 2,1694 рубля. Вырас толькі курс расійскага рубля: 100 расійскіх рублёў каштавалі 3,0192 беларускага (у аўторак — 3,0071).
