Кіраўніка Інтэрпола затрымалі ў Кітаі і падазраюць у карупцыі

Кіраўніка Інтэрпола затрымалі ў Кітаі і падазраюць у карупцыі

Кіраўніка Інтэрпола Мэн Хунвэя затрымалі ў Кітаі і падазраюць у карупцыі, інфармуе "Бі-Бі-Сі". Ён з'ехаў з Францыі ў Кітай 29 верасня, і ад таго часу пра яго лёс нічога не было вядома. Пра знікненне мужа заявіла жонка Мэн Хунвэя, якая з дзецьмі жыве ў Ліёне. У Францыі распачалі расследаванне і зрабілі запыт у КНР.

Кітайскія ўлады пацвердзілі, што Хунвэй не знік, ён затрыманы, у дачыненні яго праводзіцца расследаванне. Чыноўніка падазраюць у атрыманні хабараў і "іншых злачынствах".

Мэн Хунвэй даслаў у цэнтральны офіс сваёй арганізацыі заяву пра неадкладную адстаўку. Выконваць абавязкі кіраўніка Інтэрпола будзе віцэ-прэзідэнт Кім Ёнг Ян з Паўднёвай Карэі.

Хунвэй да 2016 года, калі ўзначаліў Інтэрпол (дарэчы, быў першым кітайцам-прэзідэнтам гэтай арганізацыі), быў кітайскім чыноўнікам, працаваў намеснікам міністра грамадскай бяспекі (гэтую пасаду ён сумяшчаў да апошняга часу), дырэктарам берагавой аховы, намеснікам кіраўніка Дзяржаўнага акіянічнага ўпраўлення КНР.

Апошнія навіны

Галоўнае

Выбар рэдакцыі