Качанава прыдумала, як "перамагчы" інтэрнэт
Чыноўнікі ў РБ збіраюцца працягваць змагацца з інтэрнэтам / pixabay.com
Наталля Качанава прыдумала, як "перамагчы" інтэрнэт (пры гэтым не патлумачыла, навошта яго трэба перамагаць). Кіраўніца Савета Рэспублікі Нацыянальнага сходу Беларусі лічыць, што дастаткова "працаваць з людзьмі".
"Мы павінны ўключацца і працаваць з усімі катэгорыямі нашага насельніцтва, — цытуе словы Качанавай прэс-служба Савета Рэспублікі. — Вочы ў вочы калі мы гаворым праўду, расказваем, даносім інфармацыю, яны ўсё выдатна разумеюць. У нас усё будзе выдатна, калі мы зараз пачнём вельмі магутна працаваць з людзьмі".
Наталля Качанава лічыць, што яе "метад" спрацуе і з моладдзю ў XXI стагоддзі.
