Ілля Вайцяховіч, які прыехаў у Беларусь на пахаванне, асуджаны на 2 гады калоніі
![Ілля Вайцяховіч, які прыехаў у Беларусь на пахаванне, асуджаны на 2 гады калоніі](/sites/default/files/styles/gallery_main/public/2023-08/photo_2022-01-16_16-25-45.jpg.webp?itok=vpMyt60F)
У Мінску асуджаны на два гады калоніі 36-гадовы Ілля Вайцяховіч. Яго крымінальную справу разглядаў суд Ленінскага раёна. Суддзя Юлія Шут прызнала мужчыну вінаватым у "арганізацыі і падрыхтоўцы дзеянняў, што груба парушаюць грамадскі парадак...".
Іллю Вайцяховіча затрымалі на мяжы ў студзені сёлета, калі ён ехаў з Латвіі ў Беларусь на пахаванне свайго бацькі, бізнесмена Эдуарда Вайцяховіча. У 2020-м яго затрымлівалі за ўдзел у пратэстах, ён быў асуджаны на 15 сутак адміністрацыйнага арышту. Пазней ён пераехаў у Латвію, жыў у Рызе.
У студзені сёлета ў праўладных тг-каналах з'явілася "пакаяльнае відэа". На ім Вайцяховіч кажа, што вырашыў вярнуцца, бо "не мог знайсці сябе за мяжой". Відавочна, што яго прымусілі сябе абгаварыць.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.