ІКАО расследуе інцыдэнт з прымусовай пасадкай самалёта Ryanair у Мінску
![ІКАО расследуе інцыдэнт з прымусовай пасадкай самалёта Ryanair у Мінску](/sites/default/files/styles/gallery_main/public/2023-08/ryanair-2805.jpg.webp?itok=LQfkhQEL)
Міжнародная арганізацыя грамадзянскай авіяцыі (ІКАО) расследуе акалічнасці прымусовай пасадкі самалёта ірландскай кампаніі Ryanair у Мінску, заявіў міністр транспарту Ірландыі Іман Раян.
Ён вельмі рэзка асудзіў дзеянні беларускага боку: "Гэтыя непрымальныя дзеянні сталі атакай на еўрапейскую авіяцыйную бяспеку і паставілі пад пагрозу жыцці пасажыраў і чальцоў экіпажа, калі яны падарожнічалі паміж дзвюма сталіцамі ЕС".
З заклікам да ІКАО расследаваць інцыдэнт з самалётам Ryanair у Беларусі выступілі Эстонія, Францыя, Ірландыя, Нарвегія, Вялікабрытанія, ЗША, Германія і Бельгія. Першыя вынікі расследавання павінны быць апублікаваныя 25 чэрвеня.
Раней афіцыйны Мінск заяўляў, што гатовы прадаставіць усе неабходныя дакументы на гэты конт.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.