Гульнявога стрымера ARTIKZA затрымалі за намер правесці сходку фанатаў
Арцём Галавач (ARTIKZA) / скрыншот, reform.by
У Магілёве затрымалі папулярнага гульнявога стрымера ARTIKZA. Ён хацеў правесці сходку фанатаў. Як пішуць праваабаронцы, затрыманне Арцёма Галавача адбылося каля тыдня таму.
Хлопец размясціў відэа, у якім паклікаў падпісчыкаў на фан-сустрэчу ў цэнтры Магілёва 3 чэрвеня. Аднак пазней відэа было выдаленае. У сваім апошнім роліку ў TikTok блогер паведаміў, што "з пэўных прычын сустрэча адмяняецца". Сведкі кажуць, што Галавача забралі сілавікі.
Паводле інфармацыі праваабаронцаў, хлопцу прысудзілі 15 сутак арышту за "несанкцыянаванае пікетаванне".
У ARTIKZA больш за 250 тысяч падпісантаў у Youtube, каля 10 тысяч — у Telegram.
