Google запускае "Шчыт" у падтрымку правааборонцаў і медыяў
Карпарацыя Google абвясціла, што будзе супрацьстаяць цэнзуры і абараняць незалежныя медыі і групы абароны правоў чалавека ад кібератак.
Дзеля гэтага анансаваны пакет з некалькіх новых сэрвісаў, піша Generation.by. Адзін з іх мае назву "Project Shield". Сайтам, пацярпелым ад DDoS-атак, ён будзе прадстаўляць праз сваю інфраструктуру надзейны метад абароны. Ён хавае IP-адрас рэсурса, што трапіў пад атаку і не дапускае да яго фальшывы трафік.
Сэрвіс цяпер знаходзіцца ў стадыі тэставання, прыняць удзел у якім можа кожны. Запіс на бэта-тэставанне адбываецца тут projectshield.withgoogle.com.
Іншы новы сэрвіс Google атрымаў назву uProxy. Паўсюль, дзе карыстальнікі сутыкаюцца з цэнзурай сеціва, Google дасць магчымасць абысці яе праз дапамогу сяброў з замежжа. Любы карыстальнік зможа ўсталяваць адмысловы дадатак у браўзер, з дапамогай якога будзе наладжаны шыфраваны канал да іншага карыстальніка інтэрнэт. Праз яго адбудзецца аўтаматычны абыход заблакаваных у краіне рэсурсаў.
Сэрвіс uProxy таксама пакуль знаходзіцца ў тэставым перыядзе, запісацца ў бэта-тэстары можна тут uproxy.org
Трэці сэрвіс, які прадставіў Google, ужо працуе ў поўным аб’ёме. Digitalattackmap.com у рэжыме рэальнага часу паказвае кібератакі, што цяпер адбываюцца ў сеціве.
Фота: mashable.com.
