Google папрасіла прабачэння за плошчу Гітлера на карце Берліна
Амерыканская карпарацыя заявіла, што гэта была памылка, якая адбылася ў сэрвісе Google Maps.
На працягу некалькіх гадзінаў у чацвер, 9 студзеня, ён паказваў неіснуючае ў нямецкай сталіцы месца — плошчу імя Адольфа Гітлера, кіраўніка нацысцкай Нямеччыны ў 1933-1945 гадах. Сапраўды, яна існавала яшчэ падчас вайны. З 1963-га плошча носіць імя Тэадора Хойса, нямецкага палітыка-ліберала, першага федэральнага прэзідэнта Заходняй Нямеччыны.
Афіцыйны прадстаўнік Google ў Нямеччыне заявіў, што памылка была выпраўленая адразу ж па атрыманні інфармацыі пра яе.
Фота — AFP