Гомельскага лекара затрымалі за антываенныя настроі
1 красавіка гомельскія міліцыянты затрымалі загадчыка Навабеліцкай падстанцыі хуткай медыцынскай дапамогі Сяргея Савіча, паведамляюць праваабаронцы.
Па словах знаёмага мужчыны, на Савіча данёс адзін з калег. Ён паведаміў сілавікам, што ў асабістым аўто доктара была раздрукоўка "Не — вайне", а таксама, што ён негатыўна ставіўся да аўтамабіляў расійскіх вайскоўцаў, прыпаркаваных на стаянцы для медтранспарту: прасіў пераставіць і не перашкаджаць працы машын хуткай дапамогі.
Нядаўна калектыў падстанцыі збіраў грошы для патрэб параненых расійскіх вайскоўцаў. Сяргей Савіч гэтую ініцыятыву не падтрымаў.
Паведамляецца, што яго змясцілі ў ІЧУ.
