Гданьск. Фэст "Okno na swiat". Фотарэпартаж. Частка 2-я
13-га верасня а 19-й гадзіне на вялікай фестывальнай сцэне Таргу
Вэнгловэго ў Гданьску распачаўся канцэрт зорак, які адкрывалі беларусы IQ48. Для IQ48 выступ на фэсце "Okno na swiat" стаўся дастаткова адказным: хочацца спадзявацца, што з гэтага часу музыкі стануць частымі гасцямі не толькі лакальных беларускіх фэстаў, але і вялікіх міжнародных.
Нягледзячы на холад, гледачоў станавілася ўсё больш і больш. "Лосі" задалі рытм і настрой вялікаму канцэрту, які працягнуў чэшскі гурт Hypnotix. Як вы заўважыце з рэпартажу, гурт мульцікультуральны, таму і музыку яны граюць адпаведную: сумесь рэгі, этна і сучаснага дыска, electro-dup, карацей.