Ганна Бонд не супраць стаць вядучай канцэрта ў гонар стагоддзя БНР
![Ганна Бонд не супраць стаць вядучай канцэрта ў гонар стагоддзя БНР](/sites/default/files/styles/gallery_main/public/2023-08/12316675_976724632401174_7784752358314815743_n.jpg.webp?itok=ddA9ODLT)
Вядомая беларуская шоувумен Ганна Бонд гатовая стаць вядучай на святочным канцэрце ў гонар стагоддзя БНР, які пройдзе ў Мінску 25 сакавіка ля Опернага тэатра.
"Пакуль прапановы не было. Паступіць — буду разглядаць, бо ў мяне шмат працы. Я не бачу праблемы, бо гэта добрае, маштабнае, творчае і гістарычнае свята", — кажа Ганна.
Бонд падабаецца, што канцэрт будзе арганізаваны пры падтрымцы ўладаў.
"Здорава, што адбываецца любоў, разуменне і сяброўства. Я за свята! Дата прыгожая, сімвалічная. Людзі настолькі стаміліся сварыцца і канфліктаваць, што хочуць проста жыць у добрым і працоўным рэжыме. Беларусы — культурныя і арганічныя, гісторыю заўсёды памятаюць. І непаразуменні, што склалася паміж уладамі і людзьмі, якія заўсёды адзначалі ўгодкі БНР, спадзяюся, на гэтым скончацца".
У святочным канцэрце з нагоды стагоддзя БНР па папярэдняй інфармацыі возьмуць удзел "Крама", Akute, J:морс і Amaroka. Ідуць перамовы з іншымі артыстамі.