Гамяльчанцы распылілі пярцовы газ у твар, бо падрэзала на дарозе іншага кіроўцу

Увечары 23 сакавіка 29-гадовая гамяльчанка звярнулася ў міліцыю, інфармуе gomel.mvd.gov.by. Жанчына распавяла, што невядомы мужчына на вуліцы Лепяшынскага распыліў ёй у твар газ з балончыка.

Пацярпелая распавяла следча-аператыўнай групе, што ехала на сваёй машыне па вуліцы Лепяшынскага. Пераладкоўваючыся ў іншы шэраг, яна падрэзала іншы аўтамабіль. Праз нейкі час тая машына яе абагнала і прымусіла спыніцца. Пакрыўджаны кіроўца падышоў да дзверкі кіроўцы. Жанчына апусціла акно і спытала, што здарылася. У адказ мужчына дастаў пярцовы балончык, распыліў ёй у твар, вярнуўся да свайго аўто і з'ехаў.

Жанчына запомніа марку машыны крыўдзіцела, але не запомніла нумар. Па запісах з відэакамераў аператыўнікі вылічылі і затрымалі 53-гадовага нападніка. 

Цяпер на гамельчука пачалі крымінальную справу.