Галоўная бухгалтарка скрала ў свайго прадпрыемства 63 млн рублёў
Здарэнне адбылося ў Лідзе. Супраць 43-гадовай жанчыны распачатыя крымінальныя справы па артыкуле "крадзеж шляхам злоўжывання службовымі паўнамоцтвамі"
Як паведамляе БЕЛТА, зламысніца працавала галоўнай бухгалтаркай на камерцыйным прадпрыемстве. Для крадзяжу грошай яна распрацавала і выкарыстала некалькі "ценявых" схемаў. Напрыклад, па змове з іншым працаўніком прадпрыемства складала фіктыўныя дамовы падраду на падстаўных асобаў, фальсіфікавала іншыя дакументы. Аднойчы жанчына прысвоіла 110 еўра, якія былі выдаткаваныя на замежную камандзіроўку, у якую ніхто не ездзіў.
Агулам праваахоўнікі налічылі 63 мільёны рублёў (больш за 6 тысяч долараў), якія страціла прадпрыемства. Варта адзначыць, што галоўная бухгалтарка карысталася даверам кіраўніка, часова выконвала абавязкі дырэктара.
Фота — Fotolia
