Фотафакт: у абменніках у Мінску з'явіліся невялікія чэргі
![Фотафакт: у абменніках у Мінску з'явіліся невялікія чэргі](/sites/default/files/styles/gallery_main/public/2023-08/8c2d3b1859be00e3dadcbfffccdba9d99cc9717b2f1b72c60bpimgpsh_fullsize_distr.jpg.webp?itok=gtnUZVzC)
Увечары 14 студзеня ў абменніках у Мінску з'явіліся невялікія чэргі — па 4-6 чалавек. Іх карэспандэнт Еўрарадыё заўважыў, як мінімум, у трох абменных пунктах. Большасць людзей набывалі невялікія сумы ў валюце: па 50-150 долараў. Былі і тыя, хто здаваў валюту, але яшчэ меншыя сумы: 10-20 долараў. У той жа час, ва ўсіх трох абменніках долары былі.
Як паведамляла Еўрарадыё, 14 студзеня курс долара ў Беларусі перавысіў мяжу ў 20 тысяч рублёў. Па абедзе стала вядома, што БСБ Банк прыпыніў магчымасць здымаць долары з валютных картак. Таксама немагчыма перавесці з рублёвай карткі на валютную больш за 50 долараў. Пра такія абмежаванні ў іншых банках пакуль нічога невядома.