Фотафакт. Арцыбіскуп Кандрусевіч выпадкова сустрэў Папу Францішка
Старшыня беларускага епіскапату арцыбіскуп Тадэвуш Кандрусевіч выпадкова сустрэў папу Францішка. Гэта адбылося, калі беларускі іерарх выходзіў з Дома святой Марты, дзе спыніўся на час правядзення Сінода.
Па дарозе да залы Сінода яны паразмаўлялі. Паміж беларускім іерархам і Пантыфікам была ўзнята тэма Касцёла ў Беларусі.
Беларускі іерарх распавёў Святому Айцу, што Мітрапаліт Філарэт адзначае юбілей 40-годдзя прызначэння ў Беларусь. Пантыфік папрасіў ад яго імя перадаць віншаванні Ганароваму Патрыяршаму Экзарху і запэўніць у яго блізкасці і малітве. Арцыбіскуп Тадэвуш Кандрусевіч перадаў словы юбіляру падчас тэлефоннай размовы, перадае catholic.by.
