Фінансавая міліцыя КДК атрымае ўзнагароды за барацьбу са злачыннасцю
![Фінансавая міліцыя КДК атрымае ўзнагароды за барацьбу са злачыннасцю](/sites/default/files/styles/gallery_main/public/2023-08/dfr-1310.jpg.webp?itok=bNxbHP1S)
Супрацоўнікі Дэпартамента фінансавых расследаванняў Камітэта дзяржкантролю атрымаюць узнагароды а актыўны ўдзел у барацьбе са злачыннасцю. Гэта прадугледжана сумеснай пастановай КДК, Мінфіна і Мінпрацы. Пастанова № 1/38/75 прынятая 28 верасня і апублікаваная на Нацыянальным прававым інтэрнэт-партале.
У дакуменце зацвярджаецца інструкцыя аб парадку выдачы ўзнагароджанняў шарагоўцам і начальніцкаму складу фінансавай міліцыі, а таксама грамадзянам за актыўны ўдзел у барацьбе са злачыннасцю
Гэта пастанова набывае моц пасля афіцыйнага апублікавання.
Дэпартамент фінансавых расследаванняў стаў адной з "зорак" лета 2020 года. Менавіта гэтая структура займаецца "справай Белгазпрамбанка", па якой апынуўся за кратамі прэтэндэнт на прэзідэнцкую пасаду Віктар Бабарыка. Акрамя таго, супрацоўнікі фінансавай міліцыі актыўна ўдзельнічаюць у ператрусах у апанентаў цяперашняй улады.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.