ФІФА часова дыскваліфікавала зборныя Камеруна
Так Міжнародная федэрацыя футбола адрэагавала на ўмяшальніцтва ўладаў Камеруна ў дзейнасць нацыянальнай футбольнай асацыяцыі.
У выніку футбольным зборным гэтай краіны забаронена праводзіць матчы. Санкцыі таксама распаўсюджваюцца на ўсе камерунскія футбольныя клубы, якія ўдзельнічаюць у міжнародных спаборніцтвах.
Такое рашэнне ў чацвер прыняў экстраны камітэт ФІФА, інфармуе РІА "Новости".
З-за санкцый зборная Камеруна можа не правесці важны матч адборачнага цыкла чэмпіянату свету супраць каманды Лівіі 6 верасня.
Фота — AFP