"Фэст экскурсаводаў — 2020" перанеслі з красавіка на верасень
Такое рашэнне арганізатары прынялі ў сувязі з распаўсюдам каранавіруса.
Арганізатары перанеслі сёлетні "Фэст экскурсаводаў". Замест 25-26 красавіка ён пройдзе 19-20 верасня, паведамляе Радыё "Свабода".
Прычынай пераносу называюць неспрыяльнае санітарна-эпідэміялагічнае становішча ў Беларусі і свеце.
Зарэгістраваць свае маршруты экскурсаводы-ўдзельнікі фэсту могуць на сайце festguides.by.
"Фэст экскурсаводаў" штогод прапануе ўнікальныя і аўтарскія экскурсіі, літаратурныя вандроўкі, роварныя маршруты і г.д. Падчас яго экскурсаводамі становяцца не толькі прафесіяналы, але і аматары, якія прапаноўваюць свае маршруты. Мерапрыемствы фэста ладзяцца ў розных гарадах Беларусі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.