Еўрасаюз павялічыць вытворчасць боепрыпасаў для Украіны ўжо гэтай вясной
![Ва Украіне адчуваецца "снарадны голад" / https://www.facebook.com/GeneralStaff.ua](/sites/default/files/styles/gallery_main/public/2023-08/333313240_5777222095722134_2038339097702480049_n.jpg.webp?itok=2Yo_7dw_)
Ва Украіне адчуваецца "снарадны голад" / https://www.facebook.com/GeneralStaff.ua
Еўрасаюз павялічыць вытворчасць боепрыпасаў для Украіны ўжо гэтай вясной. Чакаецца, што адпаведны план кіраўніца Еўракамісіі Урсула фон дэр Ляен прадставіць 2 сакавіка, піша spiegel.de.
У дакуменце, з якім азнаёмілася выданне, пазначана задача павелічэння вытворчасці і паставак ва Украіну 155-мм артылерыйскіх снарадаў. Выдаткі плануецца пакрыць сродкамі Еўрапейскага фонду міру. Наступная задача — забеспячэнне гэтымі снарадамі ўласных запасаў ЕС. Трэцяя задача — доўгатэрміновае фарміраванне еўрапейскіх магутнасцяў па вытворчасці боепрыпасаў, якія будуць карэктавацца ў залежнасці ад актуальнай сітуацыі з бяспекай у рэгіёне.
ЗША таксама плануюць павялічыць вытворчасць 155-мм снарадаў для Украіны.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.