Еўрапарламент прызнаў Расію дзяржавай — спонсаркай тэрарызму
![Еўрапарламент назваў Расію спонсаркай тэрарызму / pixabay.com](/sites/default/files/styles/gallery_main/public/2023-08/europarlament-2311.jpg.webp?itok=Gjsg2XOR)
Еўрапарламент назваў Расію спонсаркай тэрарызму / pixabay.com
Еўрапарламент 23 лістапада ў сваёй рэзалюцыі назваў Расію дзяржавай — спонсаркай тэрарызму.
"Ваенныя ўдары Масквы па грамадзянскіх аб'ектах, такіх як энэргетычная інфраструктура, шпіталі, школы і прытулкі, парушаюць міжнароднае права", — цытуе Reuters прынятую рэзалюцыю.
Гэты крок у значнай ступені застаецца сімвалічным, бо ў ЕС няма заканадаўчай базы, якая б падмацоўвала такое рашэнне.
Як паведамляла Еўрарадыё, раней Чэхія прызнала ўлады Расіі тэрарыстычным рэжымам, а Парламенцкая асамблея NATO назвала Расію дзяржавай-тэрарыстам.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.