Еўрапарламент прызнаў Галадамор ва Украіне генацыдам

Еўрапарламент / pixabay.com
Еўрапарламент / pixabay.com

Еўрапарламент на пасяджэнні 15 снежня прызнаў штучны голад 1932-1933 гадоў ва Украіне генацыдам украінскага народу.

Дэпутаты Еўрапарламента рашуча асудзілі гэтыя дзеянні і заклікалі ўсе краіны і арганізацыі пайсці за іх прыкладам і прызнаць гэта генацыдам.

"За" такое рашэнне прагаласавалі 507 дэпутатаў Еўрапарламента, "супраць" — 12.

Большасць гісторыкаў лічыць, што Галадамор быў выкліканы палітыкай калектывізацыі і хлебанарыхтоўкі, якую праводзілі камуністычныя ўлады. Ва Украіне ад голаду памерлі каля 3,9 мільёна чалавек. Колькасць ахвяр у СССР ацэньваецца прыблізна ў сем мільёнаў.

Акрамя таго Еўрапарламент асудзіў новыя злачынствы Расіі супраць украінскага народу, у тым ліку мэтанакіраванае знішчэнне грамадзянскай энергетычнай інфраструктуры Украіны ў зімовы перыяд.
 

Flowers Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі